ŞANDA Îmraliyê ya Partiya DEM’ê banga Ocalan ya “Aştî û Civaka Demokratîk” bi raya giştî re parve kir. Ocalan ku di banga xwe ya ji bo PKK’ê de got, “Divê hemû kom çekan deynin û PKK jî xwe hilweşîne”gotina Ocalan vê perspektîfê derdixe pêş û “Bi gotina wî bêguman pêwîste di pratîkê de dest ji çekan bê berdan, PKK xwe hilweşîne, siyaseta demokratîk û qada hiqûqî nas bike” bang li hikûmet û civakê jî dike. Bi vê yekê re balê dikişîne ser erkên ku divê hem PKK û hem jî hikûmet bi hev re bi cih bînin.
Bangawaziya di roja 27’ê Sibata 2025’an, hat kirin, dê di dîroka gelên Tirkiyeyê û Rojhilata Navîn de weke xaleke veguherînê cih bigire. Bi dawîbûna serhildan û şîdeta berfireh ya PKK’ê ya 40 salî ku “di dîroka komarê de herî dirêje dê alîkariyê bike ku li Tirkiye û li herêma me astengiyên li pêşiya têkoşîna aştî û demokrasiyê derbas bibin.
Ocalan di banga xwe de diyar dike ku têkoşîna çekdarî ya PKK’ê çawa bi gor şert û mercên dîrokî çêbû û çima îro divê hemû kom dest ji çekan berdin û PKK ji holê rabe. PKK di nav şert û mercên şerê sar yê di sedsala 20. de, di şert û mercên kûdîteya leşkerî ya li Tirkiyeyê de ku rastiya Kurd bi tundî dihat înkarkirin, di bin bandorên îdeolojîk yên sîstema reel sosyalîstî hate avakirin. Guhertin û geşedanên ku di salên piştî rûxandina vê sîstemê de li cîhanê û Tirkiyê rû da, bi taybetî vekirina rêbazên ku Kurd li gorî demokratîkbûna civakê xwe îfade bikin û xwe birêxistin bikin û geşedanên dawî yên li Sûriyê û herêma me, ev pêngava Ocalan anî rojevê.
Rêveberiya PKK’ê jî vê banga ku van rastiyan dihewîne pejirand û destnîşan kir ku di gava yekem de divê, hikûmet ji bo azadiya Ocalan gavan bavêje û her we destnîşan kir ku ji bo serkeftina kongreya ku PKK dê tê de xwe hilweşîne pêwîstî bi “Rêberî û rêvebirina Rêber Apo” heye. Bi taybetî Partiya DEM, CHP û hin partiyên din ên opozîsyonê û partiyên kurd yên Sûriye û Iraqê jî piştgirî dan vê bangê.
PKK’ê bi ragehandina agirbestê gava yekem avêt û Partiya DEM’ê jî bi hemû hêza xwe ve piştgiriya vê pêvajoyê dike, rêveberiya Erdogan hîna jî xwe ji daxuyaniyên li ser gavên pêşerojê dûr digire. Lê ji bo serkeftina vê pêvajoyê berpirsiyariya Erdogan û partiya wî AKP jî heye. Heman berpirsyarî dikeve ser milê partiyên muxalefetê jî. Neçar kirina wan ku di vê pêvajoyê de berpirsyariyê bigirine ser xwe û gavên piştgiriyê bavêjin, li ser me ye. Li aliyê din Erdogan û AKP her tim dikarin vê pêvajoyê ji bo berjewendiyên biçûk xera bikin û bi planên biçûk provokasyonan organîze bikin, weke ku berê di lihevkirina Dolmabahçeyê de kiribûn. Destûr nedana vê, bi têkoşîna hêzên çep, demokrat, şoreşger û aştîxwaz yên bi gelê me re girêdayî ye.
Bi vê banga Ocalan re, cara yekeme ku derfetek mezin ji bo bidawîkirina şerê ku dewletê li welat û herêma me li dijî gelê Kurd ku ji bo maf û azadiyên xwe yên demokratîk berxwe dida, dê bi dawî bibe. Ji bo dabînkirina vê derfetê, erkeke lezgîn û girîng di serî de pêşiya hemû hêzên çep, demokrat û şoreşger, çîna karker û sendîka, ode û rêxistinên pîşeyî, baro, ciwan, rêxistinên jinan û sivîl, aktîvîstên hawirdor, xweza û avhewayê de ye. Ji bo vê jî bêyî ku wext derbaz bikin pêwîste bi karger û kedkaran re , bi gelê me re dest bi têkoşînên girseyî bê kirin û bê navber dakevin koçe û qadan. Divê em bi hişmendiya berpirsyariya xwe tevbigerin.
Bi dawîbûna vî şerê 40 salî dê rondikên dayikên Tirk û Kurd bi dawî bîne, bi mîlyaran dolarên ku ji bo çekan diçûn dê biherikine ser aboriyê, enflasyon û giranbahayiya jiyanê kêm bibe, di wekheviyê de jiyana hevpar ya Kurd û Tirkan xurtir bibe, pirsgirêka Kurd bigihêje çareseriyeke adil û demokratîk, bi vî rengî rê li ber pêşketinên demokratîk yên gelên Tirkiyeyê yên azad veke.
Ji bo vê jî pêwîste di bingeh de zext li Erdogan û hikûmeta AKP’ê bête kirin, da ku hevdîtinên bi Ocalan û Qendîlê re bi awayekî şefaf bêne meşandin, bi daxwazên konkret têkoşîn bête kirin û ji bo ku gelê me piştgiriyê bide van daxwazan xebat bête kirin.
- Ji bo rêvebirin û serkeftina pêvajoya ku berdewam dike, divê şert û mercên xebatê yên Öcalan bên başkirin û azadiya wî ya tam bê misogerkirin!
- Azadî ji bo hemû girtiyên siyasî, bi taybetî ji Demîrtaş, Kavala, Yuksekdag, Atalay rojnamevan û yên di girtîgehan de re! Operasyonan bi dawî bikin!
- Tayînkirina qeyûman û dozgeriya şaredaran bi dawî bibe! Divê qeyûm bên rakirin, şaredar bên berdan û ji nû ve vegerin ser karên xwe!
- Divê hemû lêpirsîn û dozên ku bi hinceta “têkiliya xwe bi terorê re heye” ji holê bên rakirin,
- Divê Qanûna Têkoşîna li Dijî Terorê bête rakirin!
- Divê li Meclisa Tirkiyeyê bi beşdariya hemû partiyan komîsyonek ji bo rêvebirin û çavdêriya pêvajoyê bête avakirin!
- Divê derbarê pêvajoyê de qanûnek di TBMMê de bête derxistin û hemû guhertinên qanûnî û destûrî yên pêwîst bên kirin. Divê hemû şervanên li Qendîlê bi azadî vegerin bajarên xwe!
Werin em ji bo aştî û civakek demokratîk, ji bo demokratîkbûyîn û azadiya Tirkiyeyê ya aştiyane têkoşînê bilind bikin û bi berpirsyariyên xwe rabin! Aştiya mayînde û demokrasî bi têkoşîna bi biryar ya gelan ve pêk tê!
01 Adar 2025
TKP – 1920 www.tkp-online.com